Geguritan Memperingati RA Kartini

HABIS GELAP TERBITLAH TERANG

Dening  Syukur Hadi Sutrisno

Sang saya mangambar asmane Kartini

Yhang Widi ngersakake kudu mengkono

Udakara  sawindu kartini mbabadi arungkut ngobori apeteng

Kinarya sarana denya arep njungjung  dhuwur darajating wanita

Unggyaning pagulingan denya  ngrakit basa lan sastra

Rina kalawan wengi tansah nyadhong cucuk oboring lelakon

Nadyan piningit nanging  pagene bisa sesrawungan

Srawung karo sepadha - padhaning wanita saka manca

Bebasan banjir mangsi asarah dlancang

Tan kendhat denya ngupadi undhaking kawruh

Siji mbaka siji layang sinimpen rapi

Tan krasa dlancang nawala nglumpuk  wusana  dadi buku

Buku…iya buku..

Buku kang migunani kinarya dadi kali damaring urip

Kang karan "Habis Gelap Terbitlah Terang"

Kaliwiro, 28 Maret 2012